సత్తెనపల్లి, జనవారధి : భార్యను వేధించటమే కాకుండా మరొక వివాహం చేసుకున్నాడన్న కారణంగా నరసరావుపేట రూరల్ పోలీస్ స్టేషన్ నందు విధులు నిర్వహిస్తున్నఎస్ సుందరా చారిపై జిల్లా ఎస్పీజయలక్షీ ఆగ్రహం వ్యక్తం చేశారు.ఈ మేరకు అతడిని విధుల నుండి బహిష్కరిస్తున్నట్లు ఉత్తర్వులు జారీ చేశారు.వివరాల్లోకి వెళితే సత్తెనపల్లి రూరల్ పోలీస్ స్టేషన్ నందు కానిస్టేబుల్ గా విధులు నిర్వహిస్తున్నశివ నాగ మల్లేశ్వరి ఇటీవల ఆత్మహత్యాయత్నం చేసింది.ఈ సంఘటనపై స్టేషన్ లో ఆమె ఇచ్చిన ఫిర్యాదు మేరకు విచారణ చేసి వివరాలు ఉన్నతాధికారులకు పంపిచారు.సుందరా చారి నాగ మల్లేశ్వరిని మోసం చేసి రెండవ వివాహం చేసుకోవటంతో అతనిపై సి.ఆర్.నంబర్.173/2019, యు/ఎస్ 420, 493, 494, 495, 498‍ఎ క్రింద కేసు నమోదు చేయటంతో పాటు విధుల నుండి బహిష్కరించారు.